Xullo Intensivo

Xullo Intensivo - A Casa do Rock

Xullo Intensivo – A Casa do Rock

Durante o mes de Xullo A Casa do Rock ofrécevos os cursos intensivos de Verán.

Horario
Mañáns: Luns a venres de 09:00 a 14:00
Tarde: Luns a mércores de 16:00 a 21:00

Neste curso intensivo temos unha oferta especial con descontos ata do 25% na mensualidade a partir de 6 horas, 8 horas e 10 horas.

Só durante este mes de Xullo non hai matrícula para asistir a estas clases intensivas e podemos adaptar os horarios de semana en semana.
No caso de querer continuar no mes de Setembro é preciso facer matrícula.

Campamento Verán

Campamento Verán - A Casa do Rock

Campamento Verán – A Casa do Rock

O Campamento Musical Urbano de A Casa do Rock ten lugar durante os meses de xuño e xullo.

As actividades que plantexamos teñen como obxectivo principal achegar o mundo da música aos cativos a través do xogo, traballando o desenvolvemento corporal e intelectual mediante a aprendizaxe do ritmo, o son, a entonación e a coordinación.

De cada actividade, os pequenos músicos sustraerán un concepto e unha práctica realizable por eles/as mesmos/as.

Consulta toda a información e reserva a túa praza na seguinte ligazón:
https://acasadorock.com/gl/escola/campamento-veran/

Luns 22 de febreiro retomamos as clases presenciais

Bo día,

O próximo día 22 de febreiro, voltamos as aulas coa mesma ilusión que mantivemos nas clases on-line, polo que todo o alumnado do centro retomará as súas clases presenciais, como viñamos facendo ata o pasado 27 de xaneiro.

No tocante as clases de Canto e Coro, as mesmas deberán de continuar de forma telemática ata o mes de Marzo.

As clases de Combo retomaránse, neste caso, sen a participación da voz.

Moitas grazas a todo o alumnado e as súas familias pola comprensión e os ánimos que nos fixeron chegar.

Rock & Roll !!!

A Casa do Rock

Novas medidas publicadas no DOG, pasamos a Online a partir de hoxe 27 Xaneiro

Bo día,

Onte á noite foi publicado no DOG que ata o 17 febreiro se suspende temporalmente toda actividade presencial nas escolas de música, por iso hoxe mesmo comezamos as clases ONLINE.

Iniciación á música, iniciación aos ritmos e teatro musical recibiredes un vídeo no voso email ao longo da semana. Ímonos a poñer en contacto con todos para organizar as diferentes opcións para estas clases.

O resto de materias (linguaxe musical, piano, baixo, guitarra, batería, canto e produción musical) pasan todas a online no mesmo día, mesma hora e mesmo/a mestre/a.

As clases de Combo son as únicas que quedan suspendidas ata que se podan retomar de forma presencial.

Como moitos/as xa asististes á modalidade online, xa coñecedes o procedemento. A todos/as os/as novos/as invitámosvos a que probedes. Son clases nun formato distinto pero o máis importante é a continuidade na aprendizaxe do noso alumnado, e a constante evolución no instrumento. O ano pasado moitos/as vivistes un paro de marzo ata setembro, non queremos que este ano sexa así. Probade e valorade as clases online.

Traemos unha boa nova: A Casa do Rock xa conta cunha tenda de instrumentos: Tenda online https://goo.gl/maps/bn5im12QvGxMoJiXA

Temos dúas opcións interesantes para todos/as aqueles/as que aínda non tedes instrumento e o precisades para desfrutar das vosas clases online.

1ª opción (só para o noso alumnado): podes mercar un instrumento e pagalo en 3 meses sen intereses.

2ª opción: arrendamento con opción a compra. + info na web: http://shop.acasadorock.com/aluguer-con-opcion-a-compra

Darvos as grazas unha vez máis pola confianza, pola forza que nos dades para seguir adiante!!!

Un abrazo moi grande de todo o equipo da Casa Do Rock!!!

Bo Nadal !!


Foi un ano moi difícil, con momentos duros e complicados.
Por iso queremos agradecer a todo o alumnado e ás súas familias o apoio e ánimo recibidos e desexarvos unhas boas festas e un feliz 2021 cheo de música!!!

Un abrazo grande de parte de todo o equipo!!!

Campamento de Nadal

Xa está aquí o Campamento de Nadal d´A Casa do Rock !!

Neste curso arrincamos co primeiro campamento de nadal da Casa do Rock.
Para tódolos peques da casa, a partir dos 4 anos, onde a música e a diversión serán fundamentais durante as mañás durante estas datas do Nadal.

Tes toda a información na nosa páxina web:
https://acasadorock.com/gl/campamento-nadal

Non te quedes sen a túa praza!!
Anótate a través do noso correo electrónico:

acasadorock@acasadorock.com
ou no teléfono 881 97 96 60

Novas

Desde A Casa do Rock comunicámosvos que tódalas actividades programadas continúan no mesmo día e hora.

Neste momento reducimos o aforo ao 50% respecto ao máximo permitido como sae hoxe publicado no DOG.

Como ben sabedes, este curso 2020/21 tivemos en conta reducións de alumnado nos grupos de iniciación á música, teatro, linguaxe musical, harmonía, etc… como anticipación a este tipo de posibles escenarios.

Agardamos que esteades tod@s ben e mandamos unha aperta moi grande de todo o equipo dA Casa do Rock

DOG 21/10/2020

DOG 21/10/2020

Samaín do 26 ao 31 Outubro

Samaín - A Casa do Rock

Samaín – A Casa do Rock

Porque n´A Casa do Rock somos moito de disfrazarnos… porqué non te animas ti tamén??

Durante toda a semana, dende o luns 26 até o sábado 31 de Outubro, acude a clase coas túas mellores galas terroríficas!!

Imos darlle un susto ao profesor/a!!! e xa de paso ao resto do equipo… pero tede coidado… que igual o levades vós tamén!!

Xuño – Volvemos a clases presenciais!

Primeiro de todo mandarvos unha enorme aperta por estes tempos difíciles que estamos a vivir e desexarvos que esteades tod@s ben.

Dende A Casa do Rock queremos dar moito ánimo e forza para seguir adiante!!!

Temos previsto a reapertura mércores 27 maio cun ⚠️aforo reducido do 30%.

Para iso precisamos seguir un protocolo de funcionamento dentro da escola, o cal explicamos neste vídeo.

NORMAS DE ACCESO E FUNCIONAMENTO:

➡️- Entrará o alumnado sen acompañantes, salvo os máis pequenos que poden ser acompañados por un adulto

➡️- Para evitar aglomeracións a entrada realizarase por Rosalía de Castro nº33 (acceso por escaleiras) e a saída polas Galerías que dan a Rúa Nova de abaixo (esta saída das galerías tamén volve a Rosalía de Castro subindo un piso)

➡️- Tomarase a temperatura na entrada cun termómetro infravermello, non permitindo a entrada a quen supere 37,5 ºC.

➡️- Será obrigatorio o uso de máscara. O alumnado traerá posta a súa propia máscara, a cal ten que utilizar mentres permaneza no centro.

➡️- O alumnado ten á súa disposición na entrada, na aula e na saída xel hidroalcóholico para a desinfección das mans. Será obrigatorio o seu uso na entrada e na saída do centro.

➡️- O alumnado traerá os elementos necesarios para a realización da clase: baquetas, púas, carpeta, bolígrafo, guitarra ou baixo no caso de dispoñer de instrumento propio.

➡️- Non se usará a sala de espera.

➡️- Hai marcas de distancia sinalizadas no chan indicando onde permanecer á espera.

➡️- Os pagos realizaranse por domiciliación.

➡️- Para atención ao público máximo unha persoa na recepción. Os demais agardarán na marca sinalada.

➡️- No caso de clases colectivas de moito alumnado como: music production, combo, coro, iniciación á música e ritmos, teatro musical; imos ser precavidos e que as autoridades sanitarias nos permitan abrir con máis aforo e unhas medidas de prevención adecuadas.

➡️- No caso das clases de “canto”🎤 tras tomar todas as medidas oportunas, a nosa empresa de riscos laborais deunos a súa aprobación para retomar as clases presenciais, sendo esta materia a única onde o uso de mascarilla non é obrigatorio.

➡️- Consultas preferentemente por correo electrónico ou telefonicamente: acasadorock@acasadorock.com ou 881 97 96 60

🤩 Darvos as grazas unha vez máis pola confianza, pola forza que nos dades para seguir adiante !!! Estamos desexando que todo se normalice e volver a dar caña, facer festivais, eventos e desfrutar da música !!

Temos moitas ganas de vervos a tod@s !!

Un abrazo moi grande de todo o equipo dA Casa Do Rock !!!

Facendo canteira dende 2011