Category Archives: Uncategorized

Xuño – Volvemos a clases presenciais!

Primeiro de todo mandarvos unha enorme aperta por estes tempos difíciles que estamos a vivir e desexarvos que esteades tod@s ben.

Dende A Casa do Rock queremos dar moito ánimo e forza para seguir adiante!!!

Temos previsto a reapertura mércores 27 maio cun ⚠️aforo reducido do 30%.

Para iso precisamos seguir un protocolo de funcionamento dentro da escola, o cal explicamos neste vídeo.

NORMAS DE ACCESO E FUNCIONAMENTO:

➡️- Entrará o alumnado sen acompañantes, salvo os máis pequenos que poden ser acompañados por un adulto

➡️- Para evitar aglomeracións a entrada realizarase por Rosalía de Castro nº33 (acceso por escaleiras) e a saída polas Galerías que dan a Rúa Nova de abaixo (esta saída das galerías tamén volve a Rosalía de Castro subindo un piso)

➡️- Tomarase a temperatura na entrada cun termómetro infravermello, non permitindo a entrada a quen supere 37,5 ºC.

➡️- Será obrigatorio o uso de máscara. O alumnado traerá posta a súa propia máscara, a cal ten que utilizar mentres permaneza no centro.

➡️- O alumnado ten á súa disposición na entrada, na aula e na saída xel hidroalcóholico para a desinfección das mans. Será obrigatorio o seu uso na entrada e na saída do centro.

➡️- O alumnado traerá os elementos necesarios para a realización da clase: baquetas, púas, carpeta, bolígrafo, guitarra ou baixo no caso de dispoñer de instrumento propio.

➡️- Non se usará a sala de espera.

➡️- Hai marcas de distancia sinalizadas no chan indicando onde permanecer á espera.

➡️- Os pagos realizaranse por domiciliación ou transferencia bancaria.

➡️- Para atención ao público máximo unha persoa na recepción. Os demais agardarán na marca sinalada.

➡️- No caso de clases colectivas de moito alumnado como: music production, combo, coro, iniciación á música e ritmos, teatro musical; imos ser precavidos e que as autoridades sanitarias nos permitan abrir con máis aforo e unhas medidas de prevención adecuadas.

➡️- No caso das clases de “canto”🎤 tras tomar todas as medidas oportunas, a nosa empresa de riscos laborais deunos a súa aprobación para retomar as clases presenciais, sendo esta materia a única onde o uso de mascarilla non é obrigatorio.

➡️- Consultas preferentemente por correo electrónico ou telefonicamente: acasadorock@acasadorock.com ou 881 97 96 60

🤩 Darvos as grazas unha vez máis pola confianza, pola forza que nos dades para seguir adiante !!! Estamos desexando que todo se normalice e volver a dar caña, facer festivais, eventos e desfrutar da música !!

Temos moitas ganas de vervos a tod@s !!

Un abrazo moi grande de todo o equipo dA Casa Do Rock !!!

Facendo canteira dende 2011

Clases Abril


A Casa do Rock - Clases Online

A Casa do Rock – Clases Online

Estimadas familias:

En primeiro lugar desexar que tod@s vos atopedes ben e agradecer a implicación e confianza depositada en A Casa do Rock. Sairemos desta!

Tod@s estamos a vivir unha situación novidosa e excepcional. Por iso, debido á ampliación do Estado de Alarma ata o vindeiro 12 de Abril, tomamos as seguintes decisións, procurando na medida do posible non sacrificar a actividade docente. Máis que nunca, neste días vemos o importante que é a música…

Iniciación a Música, Iniciación a Ritmos, Teatro Musical e Combos. Son materias que non é posible realizalas vía online, polo tanto o recibo destas mensualidade queda suspendido ata que volvamos á normalidade.
Resto de materias (instrumento, linguaxes e harmonía). Na medida do posible, non queremos que o alumnado perda a continuidade das clases, por iso estamos adaptando estas materias para poder realizalas na modalidade online (preferentemente vía Skype). Destacar que o noso profesorado dispón de tódolos medios e recursos didácticos para adaptarse á modalidade online.
Moitos de vós, xa realizastes clases vía Skype durante o mes de marzo e desexamos que continuedes nesta modalidade ata que poidamos volver á escola. Non dubidedes, non se reducirá a calidade das clases…

Por outro lado, tamén nos vimos na obriga de reorganizar temporalmente A Casa do Rock. Por este motivo, cabe a posibilidade de que algunhas das clases non sexan impartidas polo profesor/a habitual. Tratarase de reorganizar as axendas e adaptarnos ás necesidades de todos vós.

Por favor, comunícanos vía mail se desexas seguir formándote vía Skype mentres dure o Estado de Alarma e alerta sanitaria.
Tódalas comunicacións coa escola faranse a través do correo electrónico acasadorock@acasadorock.com o dende o noso formulario de contacto

A Casa do Rock #quedanacasa

Asinado:
A Dirección A Casa do Rock

Comunicado Alumnado

Estimadas familias:

Debido á publicación no DOG, na cal se expón que os centros educativos deberán permanecer fechados dende o luns 16 de marzo durante 14 días naturais, vémonos na obriga de cerrar a escola durante o período indicado.

Dende A Casa do Rock non queremos que o alumnado perda a continuidade das clases. Estas medidas que son necesarias para a saúde pública queremos que afecten o menos posible ao desenvolvemento do curso, polo tanto propoñemos diversas opcións, as cales podedes atopar no seguinte comunicado.

Taller Musical en Familia


Resumo do pasado 21 de decembro, onde celebramos o Taller Musical en Familia no salón de actos do Corte Inglés para os máis peques da casa (3 a 6 anos)

Catro sesións de Iniciación a Música onde os cativos da casa xunto cos seus familiares gozaron da música.

E como novidade, celebramos a primeira sesión de Teatro Musical, onde o noso alumnado demostrou que a Música unida ao Teatro forman un bo conxunto!

Se queres máis información preme nas seguintes ligazóns: Iniciación a Música ou Teatro Musical

MasterClass – Abe Rábade

Abe Rabade – A Casa do Rock

DIRIXIDO A: Todolos aficionados ao piano.
LUGAR: A Casa del Rock
DATA: 7 Marzo 2020
PRAZAS: un máximo de 20 asistentes.
DURACIÓN: 3 horas de MasterClass.
PRECIO:
Alumnado 20€
Xeral 30€

O obxectivo da Master Class é conseguir un achegamento ao vocabulario jazzístico nas súas dimensións rítmica, harmónica e melódica así como a súa aplicación práctica nun conxunto instrumental. O entrenamento auditivo, o rítmico e as nocións de harmonía contemporánea serán a vía para este achegamento.

Profundizarase nos recursos que permiten improvisar con solvencia a un instrumentista.

Traballarase cunha selección de repertorio representativo do Jazz: standards, temas be-bop e composicións de corte máis contemporáneo.

Abe ilustrará con interpretacións a diversos tempos e atmósferas as posibilidades estéticas do jazz máis ortodoxo, pero tamén aberto ás influencias clásica, experimental ou das músicas de raíz.

Sobre o Docente “ Abe Rábade”:


Pianista e compositor nacido en Compostela o 8 de setembro de 1977. Licenciado Cum Laude en Jazz Composition e Piano Performance por Berklee College of Music (Boston, EEUU) no 1999. Conta cunha ducia de discos como líder, tres composicións para grandes formatos, outras poético-musicais e unha decena de premios. Actúa con numerosas figuras de recoñecido prestixio internacional en múltiples concertos e festivais de todo o mundo. Ofrece masterclasses en distintos centros españois e portugueses. Actualmente, tamén é profesor en dous conservatorios superiores de música de Galicia e Portugal.


Dirixe o seu trío de jazz acústico desde 1996, formado na actualidade por Pablo Martín Caminero no contrabaixo e Bruno Pedroso na batería.
Formou o grupo Nordestin@s en 2006 xunto ás cantantes Guadi Galego e Uxía Pedreira. O disco homónimo foi un dos 100 máis vendidos no estado español no Nadal de 2006.
É autor dunhas 200 composicións orixinais (moitas de corte jazzístico, pero tamén varias achegadas á música experimental, á tradicional galega, ao flamenco ou á clásica).
Desde 2001 é codirector artístico (xunto a Paco Charlín) do Seminario Permanente de Jazz, na cidade de Pontevedra.
Forma parte do corpo docente da ESMAE (Porto, Portugal) desde 2009 e do CSM Galicia, desde 2019.

Mais info: https://aberabade.com/gl/

Bo Nadal !

Feliz Navidad - A Casa do Rock
Comunicamos que durante as vacacións de Nadal abriremos a recepción da escola para a entrega dos bonos regalos, información de novas matrículas, tenda de instrumentos… no seguinte horario:

Luns 30 de 11-13 e de 16-19

Martes 31 de 11-13 e de 16-18

Xoves 2 de 11-13 e de 16-19

Venres 3 de 11-13 e de 16-19

Aproveitamos para Felicitar as festas ás familias a través dun vídeo moi divertido, agardamos que o desfrutedes.

Bono Regalo

A Casa do Rock – Bono Regalo

Queres un agasallo diferente??

Os Bonos regalo de A Casa do Rock son a solución!!

No Nadal e durante todo o ano, temos Bonos de horas para tocar o instrumento que máis che guste! Batería, guitarra, baixo, piano, canto… o que prefiras!

Regala 2, 4 u 8 horas e goza da música connosco!