CAMPAMENTO DE VERÁN
O Campamento Musical Urbano de A Casa do Rock ten lugar durante os meses de xuño, xullo, agosto e setembro. As actividades que plantexamos teñen como obxectivo principal achegar o mundo da música aos cativos a través do xogo, traballando o desenvolvemento corporal e intelectual mediante a aprendizaxe do ritmo, o son, a entonación e a coordinación. De cada actividade, os pequenos músicos sustraerán un concepto e unha práctica realizable por eles/as mesmos/as.
ACTIVIDADES
► Os instrumentos musicais
• Coñecer as familias de instrumentos.
• Coñecer instrumentos clásicos e modernos.
► Ritmo
• Traballar o pulso con cancións coñecidas.
• Dominar a subdivisión do pulso.
• Utilizar a percusión corporal como instrumento.
► Discriminación auditiva
• Ser quen de distinguir e identificar sons, voces, instrumentos…
• Primeiro distinguir entre dúas voces e dous instrumentos.
• Segundo identificar eses sons.
• Terceiro identificar sons que soan á vez.
► Estilos musicais
• Coñecer os estilos máis significativos da música moderna.
• Distinguir as características principais de cada estilo.
• Respectar todos os estilos e os gustos dos compañeiros/as.
► Obradoiros
• Fabricar pequenos instrumentos con materiais reciclados.
• Aplicar os coñecementos das partes dos instrumentos.
• Interpretar pequenas pezas.
Distribución
Mínimo 6 nen@s para cada grupo
🎸 De 3 a 6 anos (Infantil)
🎸 De 7 a 10 anos (Primaria I)
🎸 De 10 anos en diante (Primaria II e ESO)
Datas
🎙️ Do 24 de xuño ao 9 de agosto
🎙️ Do 2 ao 10 de setembro
Horario
🎹 De 9:00 a 14:00 horas
Inclúe
🥁 Un docente por cada 15 alumnos
🥁 Programa de actividades lúdicas
🥁 Material para as actividades
🥁 Seguro de responsabilidade civil
🥁 Seguro de accidentes
🥁O prezo NON inclúe merenda
Localización A Casa do Rock
Imaxes do campamento de verán 2023
Imaxes de campamentos de anos anteriores
FAQ
Ten que levar algo ao campamento?
Si, terá que traer una mochila coa merenda e botella de auga co seu nome. Tamén é aconsellable que traia unha muda para deixar na escola ata que acabe o campamento (pensado para os máis pequenos).
É obrigatorio entrar ás 9:00 e saír ás 14:00?
Non. Poden entrar máis tarde e sair antes. Procuramos non organizar as actividades grupais antes das 10:00 ou despois das 13:00 horas.
Poden entrar antes das 9:00 ou despois das 14:00?
Actualmente non, porque non dispoñemos do servizo de madrugadores nin recollida tardía.
Saen ao exterior?
Si. Cando o tempo o permita sairán a merendar e realizar algunha actividade á Alameda ou Campus Sur.
Que documentación teño que presentar?
Xunto coa inscrición, terás que axuntar copia da tarxeta sanitaria e copia do DNIs das persoas autorizadas á recollida. Ademáis, no caso de que o neno/a presente algunha alerxia, intolerancia ou enfermidade terás que axuntar o informe médico que indique como actuar de ser necesario.
Que teño que facer se necesito cambiar as datas ou cancelar a reserva?
Terás que comunicalo con 15 días de antelación.