Campa Conciliación

(de 3 a 12 anos)

No campamento de A Casa do Rock, enfocámonos en acercar o apaixonante mundo da música a nenos e nenas a través de actividades lúdicas e educativas. En A Casa do Rock, cada actividade está deseñada para fomentar o desenvolvemento corporal e intelectual dos nenos e nenas mediante a aprendizaxe de elementos musicais como ritmo, son, entoación e coordinación.

A través do ensino da linguaxe musical en A Casa do Rock, os nenos e nenas exploran habilidades clave como a percepción auditiva, o canto, o movemento corporal, a manipulación de instrumentos e a creatividade. Cada sesión ofrece aos pequenos músicos conceptos prácticos que poden aplicar e desfrutar de maneira accesible, impulsando o seu crecemento musical e persoal dunha maneira única e divertida.

Inscríbete no campamento!

Actividades
que
realizamos

O noso campamento de conciliación busca axudar ás familias na organización dos días non lectivos con actividades lúdico musicais.

Nunha xornada de 09:00h a 14:00h, coñeceremos diferentes instrumentos e exploraremos referentes clásicos tanto de bandas nacionais como internacionais, entre outras actividades.

A continuación, detallamos as principais actividades e obxectivos:

Coñecer e desfrutar os principais estilos da música moderna e algúns iconos clásicos.
Practicar o pulso e o ritmo mediante cancións coñecidas, facilitando a aprendizaxe rítmica.

Tocar en grupo, acompañando unha peza musical con instrumentos variados da aula: baterías, ukeleles, baixos, guitarras eléctricas e clásicas, teclados, pequena percusión…

A casa do rock

é o espazo ideal para que os máis pequenos descubran o universo musical, fomentando tanto a aprendizaxe práctica como a apreciación e respecto polos diferentes xéneros musicais.

Táboa de prezos

2025/2026	PREZO	PREZO ALUMNADO ACDR
18 DE FEBREIRO	25 €	20 €
6 DE ABRIL	25 €	20 €
15 DE MAIO	25 €	20 €

Agrupacións

Mínimo 6 nen@s para cada grupo.
De 3 a 6 anos (Infantil).
De 7 a 10 anos (Primaria I).
De 10 anos en diante (Primaria II e ESO).

Datas e horarios

Datas:

18 Febreiro
6 Abril
15 Maio

Horario:

De 9:00 a 14:00

O prezo inclúe:

Un docente por cada 15 alumnos/as.
Programa de actividades lúdicas.
Material para as actividades.
Seguro de responsabilidade civil.
Seguro de accidentes.

Cada neno e nena deberá traer a súa propia merenda.

Ubicación

FAQS

Terá que levar algo ao campamento?

Si, cada neno ou nena terá que traer unha mochila coa merenda e unha botella de auga co seu nome. Tamén é aconsellable que traia unha muda para deixar na escola ata que acabe o campamento (pensado para os máis pequenos).

É obrigatorio entrar ás 9:00 e saír ás 14:00?

Non. Poden entrar máis tarde e saír antes. Procuramos non organizar as actividades grupais antes das 10:00 ou despois das 13:00 hrs.

Poden entrar antes das 9:00 ou despois das 14:00?

Actualmente non, porque non dispoñemos do servizo de madrugadores nin recollida tardía.

Que teño que presentar?

Xunto coa inscrición, terás que xuntar unha copia da tarxeta sanitaria de cada neno ou nena e copia do DNI das persoas autorizadas á recollida. Ademais, no caso de que o neno/a presente algunha alerxia, intolerancia ou enfermidade terás que xuntar o informe médico que indique como actuar de ser necesario.