Taller Musical en Familia


Resumo do pasado 21 de decembro, onde celebramos o Taller Musical en Familia no salón de actos do Corte Inglés para os máis peques da casa (3 a 6 anos)

Catro sesións de Iniciación a Música onde os cativos da casa xunto cos seus familiares gozaron da música.

E como novidade, celebramos a primeira sesión de Teatro Musical, onde o noso alumnado demostrou que a Música unida ao Teatro forman un bo conxunto!

Se queres máis información preme nas seguintes ligazóns: Iniciación a Música ou Teatro Musical

MasterClass – Abe Rábade

Abe Rabade – A Casa do Rock

DIRIXIDO A: Todolos aficionados ao piano.
LUGAR: A Casa del Rock
DATA: 7 Marzo 2020
PRAZAS: un máximo de 20 asistentes.
DURACIÓN: 3 horas de MasterClass.
PRECIO:
Alumnado 20€
Xeral 30€

O obxectivo da Master Class é conseguir un achegamento ao vocabulario jazzístico nas súas dimensións rítmica, harmónica e melódica así como a súa aplicación práctica nun conxunto instrumental. O entrenamento auditivo, o rítmico e as nocións de harmonía contemporánea serán a vía para este achegamento.

Profundizarase nos recursos que permiten improvisar con solvencia a un instrumentista.

Traballarase cunha selección de repertorio representativo do Jazz: standards, temas be-bop e composicións de corte máis contemporáneo.

Abe ilustrará con interpretacións a diversos tempos e atmósferas as posibilidades estéticas do jazz máis ortodoxo, pero tamén aberto ás influencias clásica, experimental ou das músicas de raíz.

Sobre o Docente “ Abe Rábade”:


Pianista e compositor nacido en Compostela o 8 de setembro de 1977. Licenciado Cum Laude en Jazz Composition e Piano Performance por Berklee College of Music (Boston, EEUU) no 1999. Conta cunha ducia de discos como líder, tres composicións para grandes formatos, outras poético-musicais e unha decena de premios. Actúa con numerosas figuras de recoñecido prestixio internacional en múltiples concertos e festivais de todo o mundo. Ofrece masterclasses en distintos centros españois e portugueses. Actualmente, tamén é profesor en dous conservatorios superiores de música de Galicia e Portugal.


Dirixe o seu trío de jazz acústico desde 1996, formado na actualidade por Pablo Martín Caminero no contrabaixo e Bruno Pedroso na batería.
Formou o grupo Nordestin@s en 2006 xunto ás cantantes Guadi Galego e Uxía Pedreira. O disco homónimo foi un dos 100 máis vendidos no estado español no Nadal de 2006.
É autor dunhas 200 composicións orixinais (moitas de corte jazzístico, pero tamén varias achegadas á música experimental, á tradicional galega, ao flamenco ou á clásica).
Desde 2001 é codirector artístico (xunto a Paco Charlín) do Seminario Permanente de Jazz, na cidade de Pontevedra.
Forma parte do corpo docente da ESMAE (Porto, Portugal) desde 2009 e do CSM Galicia, desde 2019.

Mais info: https://aberabade.com/gl/

Bo Nadal !

Feliz Navidad - A Casa do Rock
Comunicamos que durante as vacacións de Nadal abriremos a recepción da escola para a entrega dos bonos regalos, información de novas matrículas, tenda de instrumentos… no seguinte horario:

Luns 30 de 11-13 e de 16-19

Martes 31 de 11-13 e de 16-18

Xoves 2 de 11-13 e de 16-19

Venres 3 de 11-13 e de 16-19

Aproveitamos para Felicitar as festas ás familias a través dun vídeo moi divertido, agardamos que o desfrutedes.

Bono Regalo

A Casa do Rock – Bono Regalo

Queres un agasallo diferente??

Os Bonos regalo de A Casa do Rock son a solución!!

No Nadal e durante todo o ano, temos Bonos de horas para tocar o instrumento que máis che guste! Batería, guitarra, baixo, piano, canto… o que prefiras!

Regala 2, 4 u 8 horas e goza da música connosco!

Obradoiro Creación Sonora

Creación Sonora

As aulas de Creación Sonora son obradoiros musicais individuais dirixido a músicos ou bandas que desexen potenciar a súa creatividade musical e explorar novos camiños.

Un curso de media duración (3 meses), onde tratamos de achegarnos ao proxecto de cada músic@ dende diferentes disciplinas, estilos, linguaxes e conceptos artísticos contemporáneos, tentando explorar e afondar no traballo de cada alumn@ co obxectivo de axudarlle a materializar as súas ideas en forma de gravacións, partituras, vídeos ou concertos ao vivo.

Traballaremos a partir do teu propio proxecto, dende diferentes idiomas e conceptos artísticos empregados na creación de son das últimas décadas: rock, pop, jazz, arte sonora, música mundial, improvisación, serialismo, electrónica, electroacústica, aclamación, fonografía, etc.

Durante o curso utilizaranse diferentes ferramentas e recursos:
– Gravación / fonografía de paisaxes sonoras.
– Técnicas de improvisación aplicadas á composición.
– Electrónica (mostraxe e xeración, software / hadware).
– Organización de estruturas / temas.
– Edición e produción de música (cubase / ableton / datos puros)
– Deseño de espazos sonoros.
– Técnicas instrumentais non convencionais.

Horarios:
Luns de 11,00 a 12,30
Luns de 18,30 a 20,00
Martes de 11,00 a 13,00
Martes de 20,00 a 22,00
Mércores de 11,00 a 13,00

SAMAIN

Samaín en A Casa do Rock !!!!

O próximo xoves 31 de Outubro @s peques de 3 a 6 anos están todos convidad@s a coñecer a nosa escola e celebrar con nós o Samaín.
Actividades e xogos musicais ambientados nesta festa, á que podes asistir disfrazado.

E por suposto… un terrorífico photocall para non esquecer este día!

Non te quedes sen a túa praza!

DEBES CONCERTAR A CLASE PREVIA CITA
a través de: acasadorock@acasadorock.com ou 881979660

Coro

CORO INFANTIL

A Casa do Rock - Coro Infantil

A Casa do Rock – Coro Infantil

Neste curso 2019/2020 arrancamos con moitísima ilusión o noso primero Coro Infantil Moderno A Casa do Rock para idades comprendidas entre 6 e 12 anos.

As clases serán os luns de 18:00 a 19:00 horas. Unha hora á semana para disfrutar cantando en grupo coa nosa profe Bea.

Durante todo o mes de outubro poderase asistir e probar de balde esta nova e tan esperada materia.

Non deixes pasar esta oportunidade e apúntate xa no noso correo electrónico acasadorock@acasadorock.com chamando por teléfono ao 881 979 660 ou na nosa recepción.

A Casa do Rock - Coro

A Casa do Rock – Coro

CORO ADULTOS

Se che gusta cantar, e compartilo con máis xente, o noso Coro moderno é unha gran oportunidade.

Nas clases traballaremos bases rítmicas de lectura e harmonía, e técnica vocal.

Os luns, de 20:00 a 21:30, Diana espéravos para sacar o mellor das vosas voces e poñer en práctica os coñecementos adquiridos nas clases.

Non te quedes coa dúbida e contacta con nós para unha clase de proba, sen compromiso e totalmente gratuita.

A Casa do Rock - Coro Adultos

A Casa do Rock – Coro Adultos